دهب

مدينة السحر و الجمال دهب بتتميز بالبساطة و الطبيعة المجردة بدون افساد من الانسان حيث تختلط الوان البحر الخلابة مع الجبال المحيطة و الطبع الهادي للمدينة لتكون جو مثالي للاسترخاء و طريقك للسعادة والسلام الداخلي.

الرحلات الداخلية و اماكن الزيارة – اروح فين في دهب

البلو هول – Blue Hole

من اشهر و احلي الاماكن في دهب و هو عباره عن شاطئ كله من الشعاب المرجانية و في وسطها جزء علي شكل دائره او حفرة خاليه تماما من الشعاب المرجانية

و ده اصل تسمية المكان بالبلو هول – الحفرة الزرقاء

البلو هول من اشهر نقاط الغطس في العالم لكن بننصح الغطاسين المحترفين فقط انهم يغطسوا هناك لان المكان ممكن يكون خطر في الغطس بالنسبه للهواه

و بننصح كل الناس انها تعمل سنوركلينج و هو امن تماما لكل الناس حتي لو مبتعرفش تعوم هتستمتع جدا بالمناظر الطبيعية للشعاب المرجانية و انواع الاسماك المختلفة

ثري بولز – 3pools

عبارة عن 3 حمامات سباحة طبيعية محاطه بالشعاب المرجانية و هي مكان مميز جدا للغطس

او العوم علي السطح snorkeling و هي منطقة غنية جدا بالشعاب المرجانية و الاسماك المختلفة

وادي جني

وادي جبلي بالقرب من منطقة الثري بولز مميز لالتقاط الصور و التمشية او للمرور به و شرب الشاي البدوي اثناء ركوب بيتش باجي او عجله او جمل

بلو لاجون

الشاطئ فيه لسان مميز جدا خلاه مكان مناسب للرياضات المائية و خصوصا التزلج الشراعي ( التزلج علي الماء بالطائرات الورقية)

الكيفز – منطقة الكهوف

مناسبه جدا للغطس او العوم علي السطح snorkeling و سر تسميتها الكهوف هو الشكل الي الشعاب المرجانيه عملته تحت المياه اشبه بالكهوف

الكانيون

منطقة جبلية مميزه بالجبال الملونة هتلاقي جبال صخورها دهبي و اسود و الوان تانية كتير مناسبة جدا لرياضة تسلق الجبال او المشي و التصوير

جبل الطويلات

رحلة السهرة البدوية بتكون عبارة عن سهرة علي الطريقة البدوية في جبل الطويلات فيها غناء و رقص و اكل في وسط الجبل و الطبيعة ليلا

محمية رأس ابو جالوم

حوالي 20 دقيقة بالمركب من دهب هتوصل لمحمية ابو جالوم قلب الطبيعة و الجمال البدوي و كمان ممكن تخيم في المنطقة و تستمتع بالنجوم ليلا حتي الشروق

الممشي السياحي في دهب

الممشي السياحي جميل جدا للتمشية ليلا و التقاط احلي الصور او السهر في كافيهات و مطاعم دهب

افضل وقت لزياره دهب

مدينة دهب بتتميز بطقس حار صيفا و معتدل شتاءا لكنها مناسبة للزياره طوال السنة

لان حتي مع ارتفاع درجات الحرارة بيكون البحر و نسيمه عامل مساعد في عدم الاحساس بتاثيرها مقارنة بالمدن غير الساحلية

و افضل وقت لزيارتها بيكون بعد انتهاء فصل الصيف و بداية الدراسة لان نسب الاشغال في الفنادق بتقل و الاسعار بتمون افضل

بداية من شهر 10 و بداية انخفاض الحرارة العالية المرتبطه به و الوقت الامثل من شهر ديسمبر حتي شهر مارس

مع تجنب الاجازات الرسمية لارتباطها بنسب اشغال عالية بالفنادق و اماكن الاقامة و بيترتب عليها زياده الاسعار

هل مدينة دهب امنه؟

بتتميز المدينة بمعدل امان عالي جدا و تأمين من الشرطة بكمائن ثابته علي كل المداخل و تواجد لشرطة السياحة

الانتقالات الي دهب

الانتقال جوا

اقرب مطار الي دهب هو مطار شرم الشيخ الدولي – حوالي 90 كم

الانتقال برا

عن طريق احدي شركات النقل و اشهرها Gobus , اوBlue bus المسافة من القاهرة بتاخد وقت من 9 الي 12 ساعة

أماكن الاقامه في دهب

دهب مدينه لكل الناس و تقدر تستمتع فيها بأي ميزانيه كبيرة او صغيرة عشان تعيش التجربة الي نفسك فيها

تقدر تشوف اسعار الفنادق و تحجز من هنا

او هوستيل باسعار مخفضة من هنا – بتدفع جزء صغير جدا جدية حجز و تكمل المبلغ في المكان عند السكن

او تحجز حجرة واحدة في منزل او منزل كامل من صاحبة مباشرة و تاخد خصم لحد 50 دولار من هنا

دهب مدينة مصرية – تقدر تشوف باقي مدن ووجهات مصر السياحية من هنا